ЦАХИМ МЭДЭЭЛЭЛИЙН САН


жижиг дунд үйлдвэрлэл эрхлэгчдийг холбох хэрэгсэл


Хайх: Компаниар Бүтээгдэхүүн дэлгэрэнгүй хайлт

КОМПАНИУД

Категори
Байршил

Шилмэл загвар ххк

Улаанбаатар хот Сүхбаатар дүүрэг 5-р хороо Энхтайваны өргөн чөлөө голомт хотхон-А 32А

91115484

shilmelzagvar@yahoo.com

  • Бидний тухай
  • Бүтээгдэхүүн
Түүхэн замнал

                 Монголын хувцас загварын хамгийн анхны мэрэгжлийн байгууллага болох "Шилмэл загвар" нь хот хөдөөгийн хүн амыг загвар хийц сайтай  бүтээгдэхүүнээр хангах улмаар Ахуйн үйлчилгээний төв, комбинатуудад шинэ загварын хувцас, гутлын загварыг иж бүрэн техникийн баримт бичгийн хамт боловсруулан нэвтрүүлэх, очиж мэрэгжлийн туслалцаа үзүүлэх, мэрэгжлийн семинар зөвөлгөөн, богино хугацааны сургалтыг зохион байгуулж ажиллах зорилго бүхий мэрэгжлийн суурь байгууллагын үүрэгтэйгээр   1972 онд анх НАААҮЯ-ны  Туршлага Шинжилгээний Институтын дэргэд Хувцасны Шилмэл Загвар Зохион Бүтээх Товчоо нэртэйгээр  байгуулагдсан.   1978 оноос аж ахуйн тооцоон дээр бие даан  улмаар  Зохион бүтээх  төв болон ажиллаж байгаад 1992 онд хувьчлагдан "ШИЛМЭЛ ЗАГВАР" компани болсон.

             Энэ 44  жилийн хугацаанд бүх төрлийн даавуу, үслэг, савхин хувцасны загварыг зохион бүтээж сурталчлах, нэвтрүүлэх ажлыг эрхэлж ажилласан. Хувцас загварын шинэ хандлагыг тодорхойлох, олон улсын түвшинд уралдах, улсаа сурталчлах,  хүн амын өргөн хэрэглээний шинэ загварыг зохион бүтээж  сурталчлах, үйлдвэрлэлд нэвтрүүлэх ажлуудыг амжилттай  хэрэгжүүлж ирсэн.

              Шилмэл загвар компани нь дотооддоо болон олон улсын хувцас загварын үзүүлэлт, уралдаан, үзэсгэлэн яармагуудад байнга амжилттай оролцдог. Тухайлбал ГОЁЛ, СТИЛЬ тэмцээнүүдэд удаа дараалан тэргүүн байруудад шалгарч, эх орондоо оролцсон үзэсгэлэнгүүдээс  гадна  хилийн чанадад ялангуяа  ОХУ- д Мода-транс-Азия олон улсын загварын их наадам, Ханновэр, Нагоягийн ЭКСПО, Японд болсон Made in Mongolia үзэсгэлэн Москва, Улаан-Үүд, Тайвань,   Сөүлд Ази Номхон далайн орнуудын гоо сайхны наадам, Анкара, үзэсгэлэн, Триест, Вена, Берлин, Нагоя,  Бейрут, Москва,  Крым,   гэх мэт дэлхийн олон  хотуудад болсон үзэсгэлэнгүүд,  Мода Транс Азия олон улсыг тэмцээн, Этно Эрато олон улсын загварын дээд зэрэглэлийн наадам,  Ванкувэр, Роттердам, Москва, Азийн загварын 7 хоногуудад амжилттай оролцож , Лондонд Хатан хааны ордон, Кремлийн ордон,  Сеулд  Засгийн ордон,  мөн  дипломатуудад, Токиод   загварын  шоунуудаа амжилттай  зохион байгуулж улсынхаа нэр хүнд, соёлыг  олон улсад таниулахад хувь нэмрээ оруулж ирсэн.

                 Түүний зэрэгцээ 1989 оноос МОДЕЛЬ  агентлагийн суурь тавигдаж анхны орон тооны моделиудыг бэлтгэн ажиллаж  одоог хүртэл гоо зүй, загвар өмсөгчийн сургалтыг тасралтгүй явуулж  топ модел  Э.Одгэрэл,  Д.Болормаа, Д.Цолмон, Туяацэцэг,  Т.Батцэцэг зэргийн Монголын загварын ертөнцийн олон  шилдгүүдийг бэлтгэж хөгжүүлсэн.

                    Шилмэл загвар компани нь шинэ загварын  бүтээгдэхүүнийг бага сериэр үйлдвэрлэн өөрийн байран дахь дэлгүүрээр худалдаалдаг ба захиалагчийн хүсэлтээр түүний биеийн галбир, онцлогт тохирсон "Цор ганцхан" загварыг зохион бүтээж үйлчилдэг. Захиалагчийн биеийн галбирт төгс тааруулж хувцасыг урлан гаргадаг ба үйлчлүүлэгч нэг бүрд чадварлаг дизайнер болоод зохион бүтээгч, оёдолчдын баг үйлчилдгээрээ бусдаас давуу талтай.  Түүний зэрэгцээ Сидней, Атланта, Бээжин, Лондон хотноо болсон зуны олимпийн болон Бразил улсад зохион байгуулагдсан "Rio-2016" олимпийн наадамд Монгол улсаа төлөөлж оролцсон  баг тамирчдын ёслолын  болон тугчиы хувцсуудыг амжилттай хийж гүйцэтгэж загварлаг хувцсаар 1-р байранд шалгарч Монгол улсынхаа нэрийг мандуулсан билээ. 

                       Мөн Монголын шүүгчдийн өмсгөл болон Төмөр зам, МИАТ, Татвар, Нийгмийн даатгал, Гааль, Банк, Зочид буудлуудын дүрэмт хувцсуудыг үйлдвэрлэсэн. Мөн ЕБС-ийн сурагчдын нэгдсэн дүрэмт хувцасны   “Эх орон шингэсэн эрдмийн дүрэмт хувцас” төслийг Монголын оёдлын нэгдсэн холбоотой хамтран боловсруулж Засгийн газраар дэмжигдэн амжилттай хэрэгжиж байна.  Бид сурагчийн дүрэмт хувцасны эх загвар, үлгэр, техникийн баримт бичгийг боловсруулан  үйлдвэрлэгчдэд нийлүүлэн нэвтрүүлж улмаар  Шилмэл загварын үйлдвэрлэсэн дүрэмт хувцас нь хэрэглэгчиддээ чанараа бүрэн таниулж чадсан ба  хэрэглэгчдийн зүгээс  талархалтай байгаа.

Эрхэм зорилго

Бидний гол зорилго -   Загвар хийц сайтай,  өндөр чанартай оёмол бүтээгдэхүүнээр  захиалагчдад  захиалгаар үйлчлэх, улмаар зах зээлд  эдгээр бүтээгдэхүүнийг олноор үйлдвэрлэж нийлүүлэх ,  бусад оёдлын үйлдвэрүүдэд хувцасны загварын техникийн документац, үлгэрүүдийг боловсруулж  нийлүүлэхэд оршино.

Үйл ажиллагааны чиглэл, бизнесийн салбарууд

Компанийн үйл ажиллагааны чиглэл:

  • Хувцасны шинэ загвар зохион бүтээж сурталчлах
  • Хувцас захиалгын үйлчилгээ
  • Шинэ загварын бүтээгдэхүүний худалдаа
  • Сурагчийн дүрэмт хувцас үйлдвэрлэл
  • Униформ, тусгай зориулалтын дүрэмт хувцасны үйлдвэрлэл
  • Загварын шоу
  • Загвар өмсөгч бэлтгэх сургалт
  • Модель агентлаг
  • Шилмэл фото студи
  • Бусад оёдлын үйлдвэрүүдэд загвар, иж бүрэн үлгэр, техникийн баримт бичгийн хамт боловсруулан бэлтгэн нийлүүлдэг.
Дотоод бүтэц зохион байгуулалт, хүний нөөцийн төлөвлөлт

1.Ерөнхий захирал

2. Гүйцэтгэх захирал

3. Хүний нөөцийн менежер

4. Ерөнхий нягтлан бодогч

5. Тооцооны нягтлан бодогч

6. Худалдагч,борлуулагч

7. Нярав

8. Ерөнхий дизайнер

9. Дизайнер

10.Зохион бүтээгч

11. Үйлдвэрлэлийн технологич

12. Оёдолчин

13. Студи эрхлэгч

14. Студи менежер

15. Зурагчин

16. Модел агентлагийн багш

 

Компанийн свот шинжилгээ

Давуу тал:

  • Олон жилийн ажлын дадлага туршлагатай
  • Мэрэгжлийн багийн цогц үйлчилгээ
  • Сэтгэл ханамжийн баталгаа 100%
  • Үнийг урт хугацаагаанд тогтвортой барьдаг
  • Үйлчлүүлэгчдэд хүссэн загвараар түргэн шуурхай үйлчилдэг

Сул тал:

  • Түүхийн эдийн импортын хараат байдал
  • Импортын бэлэн бүтээгдэхүүнээр зах зээл ханасан байдаг
Гаргасан амжилт
  • “Шилдэг зохион бүтээх товчоо” 5 удаагийн шагнал
  • “Хэрэглэгчдийн найдвартай түнш” өргөмжлөл,    
  •  “Хэрэглэгчдийн итгэмжлэгдсэн байгууллага” өргөмжлөл,
  • “Ажлын хувцасны улсын уралдаан” тэргүүн шагнал,
  • “International awards for excellence in products &services “ олон улсын шагнал,
  • “Үндэсний бүтээмж”ийн шагнал,
  • Хувцас загварын салбар дахь мэрэгжлийн топ байгууллага
Байгаль орчин, эрүүл мэндэд ээлтэй эсэх

Шилмэл Загвар ХХК нь 100 хувь байгальд ээлтэй үйлдвэрлэл явуулдаг болно. Үйлдвэрлэлд хэрэгтэй үндсэн болон бусад туслах материалуудыг гадна болон дотоодын үйлдвэрүүдээс татдаг бөгөөд байгаль орчинд ээлгүй бараа бүтээгдэхүүн, хаягдал гардаггүй билээ. Манай үйлдвэрлэдэг оёмол бүтээгдэхүүнүүд нь ноосон, цэвэр торго, хөвөн болон маалинган даавуугаар хийгддэг.  Ялангуяа сурагчийн дүрэмт хувцасыг малын гаралтай 40%- ийн ноосон даавуугаар үйлдвэрлэдэг.

Эрүүл ахуйн хувьд манай үйлдвэр нь хотын төвд өөрийн байранд өдрийн бүтэн нар үздэг орчинд эрүүл ахуйн шаардлага хангасан үйл ажиллагаа явуулдаг болно.

Бидний 45 жилийн туршлага салбараа тэргүүлж ажиллах боломжийг байнга олгодог.

Бүтээн байгуулалт, дэд бүтэц

Шилмэл Загвар ХХК нь ойрын хэт ирээдүйд  үйлдвэрийн өргөжилт хөтөлбөрийг бий болгохоор ажиллаж байгаа болно. Одоо ажиллаж буй үйлдвэрлэлийн үйл ажиллагааг даруй 200 хувиар нэмэгдүүлэн ажиллуулах хэтийн зорилт тавин ажиллаж байна.

Мөн өөрийн нэрийн дэлгүүрүүдийн тоог нэмж хот болон орон нутагт өргөжүүлэх зорилт тавин ажиллаж байна.

Компанийн нийгмийн хариуцлага

Бид сурагчийн дүрэмт хувцсыг 2013 оноос хойш үйлдвэрлэж байгаа бөгөөд жил бүр Тайвань улсын хүүхдийг дэмжих сантай хамтарч 1000 гаруй ядуу болон нэн ядуу өрхүүдийн хүүхдүүдэд иж бүрэн сурагчын дүрэмт хувцасыг хөнгөлөлттэй үнээр олгож байгаа бөгөөд зарим орлого багатай өрхийн хүүхдүүдэд үнэгүйгээр олгосон.

Асрамжийн сургуулийн хүүхдүүдэд 8,0 сая  төгрөгийн хувцас хэрэглэл100 % үнэгүйгээр олгосон.

Хүүхэд хөгжүүлэх "49р гудамж" төсөлд  хөрөнгө хандивласан.

Цаашид ч нийгмийн хариуцлагаа ухамсарлан ажиллах болно. 

Мөн Сидней, Атланта, Сөүл, Бээжин, Монтреал, Мюнхен, Риогийн олимпод оролцсон монголын тамирчдын ёслолын хувцас оёж нийлүүлсэн бөгөөд Рио-2016 олимпод загварлаг хувцсаар тамирчдаа гоёсон 5 орны тоонд багтсан нь хамт олон байгууллагын ажлын үр дүн юм.

Ирээдүйн зорилт

Бид ирээдүйд Монгол брендээ дэлхийн хэмжээнд гаргаж ажиллах зорилго тавин ажиллаж байна. Мөн монгол загвар өмсөгчдийг гадны мэргэжлийн агентлагуудад гэрээгээр ажиллуулж монгол хүний чадварыг үнэлүүлж таниулах болно.

Цаашид  импортын барааг багасгаж аль болох дотоодын үйлдвэрлэлийн бүтээгдэхүүнээр  зах зээлийг хангахад  өндөр хувь нэмэр оруулахаар зорилт тавин ажиллаж байна.

Байгууллагын хаяг
Улаанбаатар хот Сүхбаатар дүүрэг 5-р хороо Энхтайваны өргөн чөлөө голомт хотхон-А 32А
Холбоо барих
Нэр Утас Цахим хуудас
Агиймаа 99998671 agiimaa_73@yahoo.com
Эрэгтэй хүүхдийн формын хувцас
282355: Эрэгтэй хүүхдийн формын хувцас "Да сорочка"

Дунд ангийн эрэгтэй сорочка

Эрэгтэй хүүхдийн формын хувцас
282355: Эрэгтэй хүүхдийн формын хувцас "Ба сорочка"

Ба ангийн эрэгтэй сорочка

Эмэгтэй хүүхдийн формын хувцас
282353: Эмэгтэй хүүхдийн формын хувцас "Да сорочка"

Дунд ангийн эмэгтэй сорочка

Эмэгтэй хүүхдийн формын хувцас
282353: Эмэгтэй хүүхдийн формын хувцас "Ба сорочка"

Бага ангийн эрэгтэй сорочка

Пальто Пальто Пальто Пальто
282210: Пальто "Эмэгтэй пальто"

 "Пальто" - "Гоёл 2018"

Эрэгтэй, эмэгтэй пиджак Эрэгтэй, эмэгтэй пиджак Эрэгтэй, эмэгтэй пиджак Эрэгтэй, эмэгтэй пиджак
282319: Эрэгтэй, эмэгтэй пиджак "Эрэгтэй хослол"

 " Эрэгтэй хослол" - "Гоёл 2018"

Эмэгтэй хослол Эмэгтэй хослол Эмэгтэй хослол Эмэгтэй хослол
282333: Эмэгтэй хослол "Эмэгтэй хослол"

 " Эмэгтэй торгон хослол" - "Гоёл 2018"

Эмэгтэй хүүхдийн формын хувцас Эмэгтэй хүүхдийн формын хувцас
282353: Эмэгтэй хүүхдийн формын хувцас "Да Юбка"

Сурагчын дүрэмт хувцас-Дунд ангийн юбка

Эмэгтэй хүүхдийн формын хувцас Эмэгтэй хүүхдийн формын хувцас Эмэгтэй хүүхдийн формын хувцас
282353: Эмэгтэй хүүхдийн формын хувцас "Да жакет"

Сурагчын дүрэмт хувцас-Дунд ангийн жакет

Эрэгтэй хүүхдийн формын хувцас Эрэгтэй хүүхдийн формын хувцас Эрэгтэй хүүхдийн формын хувцас
282355: Эрэгтэй хүүхдийн формын хувцас "Да Өмд"

Сурагчын дүрэмт хувцас-Дунд ангийн өмд

Эмэгтэй хүүхдийн формын хувцас Эмэгтэй хүүхдийн формын хувцас
282353: Эмэгтэй хүүхдийн формын хувцас "Ба сарафан"

Сурагчын дүрэмт хувцас-Бага ангийн сарафан

Эмэгтэй даашинз Эмэгтэй даашинз Эмэгтэй даашинз Эмэгтэй даашинз
282232: Эмэгтэй даашинз "Даашинз"

" Ноолууран платье" - "Гоёл 2018"

" Үндэсний платье" - "Гоёл 2017"

 " Гоёлын платье" - "Гоёл 2018"

Эрэгтэй хүүхдийн формын хувцас Эрэгтэй хүүхдийн формын хувцас
282355: Эрэгтэй хүүхдийн формын хувцас "Да Хүрэм"

Сурагчын дүрэмт хувцас-Дунд ангийн хүрэм

Эрэгтэй хүүхдийн формын хувцас Эрэгтэй хүүхдийн формын хувцас Эрэгтэй хүүхдийн формын хувцас
282355: Эрэгтэй хүүхдийн формын хувцас "Ба Өмд"

Сурагчын дүрэмт хувцас-Бага ангийн өмд

Эрэгтэй хүүхдийн формын хувцас Эрэгтэй хүүхдийн формын хувцас
282355: Эрэгтэй хүүхдийн формын хувцас "БА Хүрэм"

Сурагчын дүрэмт хувцас-Бага ангийн хүрэм



ТАНАЙ КОМПАНИ БҮРТГҮҮЛЭЭГҮЙ БАЙНА УУ?

NЛҮҮ ИХ ЛАВЛАГАА АВАХЫН ТУЛД ӨӨРИЙН ХҮРЭЭГЭЭ ТАНИЛЦУУЛААРАЙ