ЦАХИМ МЭДЭЭЛЭЛИЙН САН


жижиг дунд үйлдвэрлэл эрхлэгчдийг холбох хэрэгсэл


Хайх: Компаниар Бүтээгдэхүүн дэлгэрэнгүй хайлт

КОМПАНИУД

Категори
Байршил

Жи энд Эс ХХК

Улаанбаатар хот Хан-Уул дүүрэг 3-р хороо энгельсийн гудамж эрэл 43

91119949

gs_6770@yahoo.com

  • Бидний тухай
  • Бүтээгдэхүүн
Үйл ажиллагааны чиглэл, бизнесийн салбарууд

Жижиг дунд үйлдвэрлэл, зөөлөн оёдол, бүх төрлийн спортын хувцас өмсгөл, куртик.2018 онд үйлдвэрийн нэрийн дэлгүүрээ нээх төлөвлөгөөтэй ажиллаж байна.

Дотоод бүтэц зохион байгуулалт, хүний нөөцийн төлөвлөлт

Манай компани нь 3 үндсэн оёдолчин, 1 дизайнер, 1 эсгүүрчин, бичиг хэргийн 1 ажилтантай.

Компанийн свот шинжилгээ

SWOT шинжилгээ Strength/давуу тал

• Оёдлын олон жилийн туршлагатай

• Үндэсний үйлдвэрлэл

• Үйлдвэрийн тоног төхөөрөмжөөр бүрэн хангагдсан

• Шинэ дэвшилтэт технолгийг байнга нэвтрүүлдэг

• Спортын бүх төрлийн хувцас өмсгөл хийх чадвартай

• Зах зээлийн үнээс хямд борлуулдаг

• Байнгын үйлчлүүлэгч болж чадсан харилцагчид танигдсан

• Туршлагатай дизайнер эсгүүрчин, оёдолчидтой

  • Өөрийн үйлвэрийн дэлгүүрээ удахгүй нээнэ

Weakness/сул тал

• Үйлдвэрийн байр байхгүйгээс ачааллаа дийлэхгүй, зарим үйлчлүүлэгчдийг гомдоодог

• Борлуулалтын суваг тодорхойгүй

• Ажиллах хүчний хомсдолтой

Opportunity/боломж 

• Жил ирэх тусам тэмцээн уралдаан их зохиогдох болсон.

• Засгийн газраас дэмжлэг үзүүлж байна

• Гадаадад байгаа Монголчуудтай хамтарч ажиллах

• Гадаадруу экспортлох

• Үйлдвэрийн байртай болсон тохиолдолд үйлдвэрийн хүчин чадал 50 хүртэл хувиар нэмэгдэх боломжтой

Threat/аюул занал

• Валютын ханшийн эрсдэл

• Өрсөлдөгчид нэмэгдэх

• Импортын бүтээгдэхүүн их

Гаргасан амжилт

Бид тамирчдын хувцасыг үйлдвэрлэдэг.Тамирчид хувцас хэрэглэлдээ санаа зовох зүйлгүй бэлтгэлээ хийж, өмссөн хувцас нь биед эвтэйхэн, хөдөлөхөд саадгүй, хөлс сайн нэвтрүүлдэг гэх мэт байх нь тамирчдад амжилт гаргахад ихээхэн нөлөөлдөг. Тиймээс бид энэ тал ихээхэн анхаарч ажилдаг ба манайхаар үйлчлүүсэн олон тамирчид их спортод амжилд гаргаж, дэлхийн тавцанд нэрээ дуудуулж байна.Энэ бидний хувьд маш их урам болдог бөгөөд тамирчид маань манайхыг сонгон үйлчлүүлдэг нь бидний хувьд нэр төрийн хэрэг, мөн бидний амжилт юм.

Мөн Жи энд Эс ХХК нь 2016 онд  "Татвар төлөгчдийн өдрүүд"-г тохиолдуулан дүүргийн төсвийн орлогыг бүрдүүлэхэд үнэтэй хувь нэмэр оруулсан хэмээн иргэдийн төлөөлөгчдын хурлын хүндэт өргөмжлөл хүртэн, шилдэг татвар төлөгчөөр шалгарч байсан юм.

Гоёл 2015, 2016 наадамд амжилттай оролцон шилдэг загвар зохион бүтээгчээр тодорч байсан.

Байгаль орчин, эрүүл мэндэд ээлтэй эсэх

Хөгширч үхдэггүй, хөшиж үхдэг гэдэг үг байдаг. Дасгал хөдөлгөөн их спортыг дэмжин энэ салбарт ажиллаж байгаа нь өөрөө байгаль орчин, эрүүл мэндэд ээлтэй юм.

Бүтээн байгуулалт, дэд бүтэц
Компанийн нийгмийн хариуцлага

Жи энд Эс ХХК нь Тайванийн төвөөс зохион байгуулсан тусламжийн бараанд хандив болгож нэн ядуу айл өрхийн хүүхдүүдэд 1500 цамц оёж нийлүүлсэн.                                                                                                                                                                                                                                                                                                                                                         

Ирээдүйн зорилт

Сүүлийн үеийн шинэ тоног төхөөрөмжийг үйлдвэрлэлдээ нэвтрүүлж Монголынхоо тамирчдыг хамгийн чанартай хувцас хэрэглэлээр бүрэн хангах

Түүхэн замнал

          Компанийн ерөнхий захирал С.Ганзориг нь  2000 онд Жи Энд Эс  компаниа анх бүртгүүлэн үйл ажиллагаагаа эхэлсэн боловч 1994 оноос хойш оёдолтой  холбогдсон хүн юм.Монголын зөөлөн оёдлын үйлдвэрийн анхдагчдын нэг бид 2000 оноос хойш тасралтгүй үйл ажиллагаагаа явуулсаар өдийг хүрсэн билээ. Өнгөрсөн хугацаанд бидэнд хийж үзээгүй ажил оёоогүй зүйл ховорхон үлдсэн ба бүх төрлийн зөөлөн оёдлыг бүгдийг нь хийж байсан туршлагатай гэдгээ нүүр бардам хэлэхэд таатай байна. 2008 оноос эхлэн биеийн тамирын хувцас дагнан үйлдвэрлэх болсон ба сагс, волейбол, хөлбөмбөг теннис, гар бөмбөг болон тамирчдын халаалтын өмд цамц куртик, цасны болон аялалын куртик зэрэг бүхий л хэрэгтэй хувцас өмсгөлийг өнгө үзэмж сайтай хамгийн сүүлийн үеийн загвар дизайнтай хийж бэлтгэн нийлүүлэхээр хичээнгүйлэн ажиллаж ирсэн.Тиймдээ ч их спортын тамирчид маань SOMO гэдэг нэрийг андахгүй сайн мэдэх билээ.Сагсан бөмбөгийн лигийн тамирчид, волейбол, хөлбөмбөг, чөлөөт бөх,жүдо, хүндийн өргөлт гэх мэт Монгол улсын маань сор болсон шилдэг тамирчид манай хувцасаар гангаран зогсоход эх орноороо бахархах сэтгэл өөрийн эрхгүй төрдөг юм.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            

Эрхэм зорилго

Жи Энд Эс ХХК ны эрхэм зорилго нь Спортын салбарт тамирчдыг Монголдоо үйлвэрлэсэн чанартай хувцас өмсгөлөөр хангаж, улс орныхоо хөгжилд өөрсдийн хувь нэмэрээ оруулах.Тиймээс <Сэтгэлээ шингээе!> уриатайгаар SOMO брэндийг үүсгэн спортын хувцас өмсгөлийг дагнан хийж мэргэжлийн тамирчид болон албан байгуулагын тамирчдыг хувцас өмсгөлөөр хангаж байна.

Байгууллагын хаяг
Улаанбаатар хот Хан-Уул дүүрэг 3-р хороо энгельсийн гудамж эрэл 43
Холбоо барих
Нэр Утас Цахим хуудас
Ганзориг 91119949 gs_6770@yahoo.com
Оёмол майк, путболька Оёмол майк, путболька Оёмол майк, путболька Оёмол майк, путболька
282255: Оёмол майк, путболька "оёмол майк шорт "

Манай компанийн үйлдвэрлэдэг сагс, гар бөмбөг, хөл бөмбөг, теннис, хоккей, дугуй, усан сэлэлт гэх мэт бүх төрлийн тоглолтын өмсгөл хувцас нь тамирчдад зориулсан хөлс нэвтрүүлдэг, хөдөлгөөнд саад учруулахгүй, өнгө үзэмж сайтай, хамгийн сүүлийн үеийн загвар дизайнаар хийгддэг.Бид Монголынхоо сагсан бөмбөг хөгжүүлэх үйл явцад ихээхэн хувь нэмэр оруулж лигийн тамирчдын хувцасыг өнгө зүс, чанар сайтайгаар үйлдвэрлэж ивээн тэтгэх буюу хөнгөлттэй үнээр нийлүүлдэг.Мөн хувь хүн болон томоохон байгуулагуудын сагс гарбөмбөг, хөлбөмбөг гэх мэт арга хэмжээнүүдийн хувцас өмсгөлийг захиалгаар бэлтгэн нийлүүлдэг. 2018 оны 9-р сард өөрсдийн нэрийн барааны дэлгүүрээ нээхээр төлөвлөн ажиллаж байгаа ба нэрийн дэлгүүртээ тамирчдад тэмцээний үед хэрэг болох бүхий л хувцас хэрэглэлийг худалдахаар зэхэж байна.Мөн биеийн тамир спортод дуртай, сонирхдог хэн бүхэн манай дэлгүүрээс хүссэн хувцасаа хямд үнээр олох боломжыг олгохоор хичээнгүйлэн шаргуу ажиллаж байна.Манай Монгол улсад үйлдвэрлэсэн дотоодын чанартай өнгө үзэмжтэй төрөлжсөн спортын барааны дэлгүүр хомс байгаа учраас бид энэ тал дээр хичээнгүйлэн ажиллаж байна.



ТАНАЙ КОМПАНИ БҮРТГҮҮЛЭЭГҮЙ БАЙНА УУ?

NЛҮҮ ИХ ЛАВЛАГАА АВАХЫН ТУЛД ӨӨРИЙН ХҮРЭЭГЭЭ ТАНИЛЦУУЛААРАЙ