ЦАХИМ МЭДЭЭЛЭЛИЙН САН


жижиг дунд үйлдвэрлэл эрхлэгчдийг холбох хэрэгсэл


Хайх: Компаниар Бүтээгдэхүүн дэлгэрэнгүй хайлт

КОМПАНИУД

Категори
Байршил

Орхон инженеринг менежмент ХХК

Орхон аймаг Баян-Өндөр сум 13-р баг, Баянцагаан

99352075

Batsaikhan.r@ntg.erdenet.biz

  • Бидний тухай
  • Бүтээгдэхүүн
Түүхэн замнал

        Анх комбинатын барилгын суурийг тавьсан 1978 оноос түүх бичигдэн Үйлдвэрлэл худалдааны “Эрдэнэт хивс” ХХК 1981 оны 10 сард ашиглалтанд орж, анхны үйлдвэрлэлийн гараагаа “Сэлэнгэ” хивсээ урлаж эхэлснээс хойш 35 жилийн турш бизнесийн үйл ажиллагаагаа тасралтгүй явуулж байгаа үндэсний хэмжээний томоохон үйлдвэрлэгч компани юм. 

       1992 оны 7 сард Монгол улсын засгийн газрын №99 тогтоолоор Үйлдвэр худалдааны Эрдэнэт Хувьцаат компани, 2010 онд Хязгаарлагдмал хариуцлагатай компани, “Эрдэнэт хивс” ХХК нь Төлөөлөн удирдах зөвлөлийн ээлжит хурлаар 2014 оны 07 дугаар сарын 01-ний өдрөөс эхлэн “Натурал Текстал Групп” ХХК болон өөрчлөн зохион байгуулагдаж, бүрэлдэхүүндээ “Эрдэнэт хивс” ХХК, “Эрдэнэт текс” ХХК, “Эрдэнэт кашмер” ХХК, “Орхон Инженеринг Менежмент” ХХК зэрэг компаниудыг багтаан үйл ажиллагаагаа явуулж байна.

 

Эрхэм зорилго

ИНЖЕНЕНРИЙН ШИЙДЛИЙГ

МЕНЕЖМЕНТИЙН БОДЛОГОТОЙ ХОСЛУУЛАН

ОЛОН УЛСАД ТАНИГДАХУЙЦ КОМПАНИ БОЛНО.

Үйл ажиллагааны чиглэл, бизнесийн салбарууд

          Тус компани нь 1981 оноос хойш үйл ажиллагаагаа тогтвортой явуулсаар байгаа билээ. 2014 онд "ОРХОН ИНЖЕНЕРИНГ МЕНЕЖМЕНТ" ХХК нэртэйгээр үйл ажиллагаагаа үргэлжлүүлэн ажиллаж байна. Сэлбэг эд ангийг үйлдвэрлэдэг механик цех, эрчим хүч тээврээр ханган үйлчилдэг цахилгаан, дулаан, электроник, дотоод тээврийн цехүүд, автограж, ажилтнуудын гуанз, бугат амралтын газар, цехийн эмнэлэг, бялдаржуулах кабинат зэрэг туслах үйлдвэрлэл үйлчилгээний цех нэгжүүд тус тус ажилладаг. тус компани нь дараах чиглэлээр үйл ажиллагаа явуулж байна. 

  1. Жилдээ 8247 ширхэг 49,2 сая төгрөгийн сэлбэг хэрэгсэл үйлдвэрлэж байна.
  2. 0.4/6кв –ын ЦДШ, дэд станцын засвар, угсралт, түүний туршилт, тохируулга, дагалдах ажил үйлчилгээ - /Категори код  03.2.1/
  3. 115-250°С температуртай, 0,7-16,0 кг х/см2  даралттай даралтад савны угсралт, засвар, түүний туршилт тохируулга, дагалдах ажил  үйлчилгээ  /Категори код 03.4.1/
  4. 115-250°С температуртай, 0,7-16,0 кг х/см2  даралттай  дулааны шугам хоолой, ЦТП-ны угсралт засвар,  түүний туршилт тохируулга,  дагалдах ажил үйлчилгээ /Категори код 03.5.1/
  5. Туршилт тохируулгын ажил үйлчилгээ (Хоёрдогч комутацийн ажлууд болон хэмжилт туршилт туршилт тохируулгын бүх төрлийн ажлууд) /Котегори код 03.6/
  6. Барилгын дотор гэрэлтүүлэг, цахилгаан хангамж, холбоо дохиолол,  интернет сүлжээ, гал унтраах болон галын аюулын дохиоллын системийн угсралт, тэдгээрийн тоног төхөөрөмж, тухайн барилгын гадна салбар шугам сүлжээний угсралт
  7. Барилгын дотор халаалт, салхивч, ус хангамж, ариутгах татуургын шугам сүлжээ, тэдгээрийн тоног төхөөрөмж, гадна салбар шугам сүлжээний угсралт
  8. Ариутгах татуургын гол (магистраль) шугам сүлжээ, түүний тоног төхөөрөмжийн угсралт
  9. Цахилгаан эрчим хүч дамжуулах гол /магистраль/ шугам /35 кВ хүртэл/ угсралт

          Манай компани нь "Эрдэнэт текс" ХХК, "Эрдэнэт хивс" ХХК, Эрдэнэт кашмер" ХХК-иудад цахилгаан эрчим хүч, уур ус, барилгын гадна, дотно засал чимэглэл,автобус, машин техник хэрэгслээр үйлчилгээ үзүүлдэг ба машин тоног төхөөрөмжийн эд ангийг үйлдвэрлэн нийлүүлж байна.  

Цахилгаан электроникийн цех нь үндсэн болон туслах үйлдвэр, аж ахуй нэгжийг цахилгаан эрчим хүчээр тасралтгүй хангадаг. Анх 30 ажилтантай байгуулагдаж байсан. 5 дэд станциас салбарласан. 100 гаруй хуваарилах щит, шугам сүлжээ, цахилгаан байгууламжийн найдвартай ажиллагааг хариуцахаас гадна үйлдвэрийн 270 гаруй тоног төхөөрөмжийн цахилгаан электроникийн засвар үйлчилгээг хариуцан жилдээ 4500,000 квт/цаг эрчим хүчийг хэрэглэгчдээ хүргэж байна. Үйлдвэрийн тоног төхөөрөмжийг автоматжуулах дэвшилтэт технологи нэвтрүүлснээр жилд 25 сая төгрөгийн цахилгаан эрчим, хүч хэмнэх боломжийг бүлдүүлж байна. Мотор ороох тасгийнхан 0,12-55 квт хүчин чадалтай 100 орчим моторыг жилдээ ороон засварлаж байна. Кип автоматикийн холбооны хэсэг нь хянах хэмжүүр, автоматикийн технологийн дамжлагын болон уур ус, дулаан зарцуулалт цулын хэмжүүрүүдийг хянаж ажиллахын зэрэгцээ баталгаажуулна. Жилдээ 480 ширхэг хэмжих хэрэгслийн засвар үйлчилгээ, тохируулгыг хянаж ажиллдаг. Дотоод холбооны тоног төхөөрөмжийн шинэчлэл хийж бага оврын “Панасоник-ПК-Т-336” тонн станц суурилуулснаар дотоод сүлжээний 130 хэрэглэгч чанартай үйлчилгээ үзүүлж байна.

Дулааны цех: Хотын дулааны цахилгаан станцаас уур ус, дулааны эрчим хүчийг хүлээн авч өөрсдийн инженерийн шугам сүлжээгээр дамжуулан компанийн үйлдвэр, цех, тасаг нэгжүүдийг үйлдвэрийн нөхцөл, шаардлагад нийцсэн параметртэй эрчим хүчээр тасралтгүй хангаж байна. Цэвэр болон зөөлрүүлсэн ус дамжуулах насосны станц, хими ус цэвэрлэгээний байгууламж компрессор станц, ширхэгт материал барих болон үйлдвэрийн технологийн бохир усанд анхан шатны цэвэрлэгээ хийх байгууламж, уурын төв зангилаа, ус халаах ба түгээх насосны станц, усан сан, дулааны узелүүдийг хариуцан ажилладаг. Жилдээ технологийн хэрэгцээнд 32000 шоо дөрвөлжин метр зөөлөрсөн ус бэлтгэж, 28480 шоо метр технологийн хаягдал бохир усанд цэвэрлэгээ хийж, 40400 шоо метр хийн үйлдвэрлэл, 6600 ккал уур түгээж, халаалтын хугацаанд 4000 Гкал орчим дулаанаар хангадаг
.

Дотоод бүтэц зохион байгуулалт, хүний нөөцийн төлөвлөлт

zohion baiguulalt.jpg

Компанийн свот шинжилгээ
Гаргасан амжилт

1984 онд

  1. Чанарын удирдлагын иж бүрэн системийг бүрэн нэвтрүүлсэн гэрчилгээ
  2. “Сэлэнгэ” 97-р зураг “Тэргүүний бүтээгдэхүүн” гэрчилгээ

1987 онд

  1. “Өргөө” хивс Монголын радиогийн нэрэмжит “Шилдэг 100 бүтээгдэхүүн” шагнал

1988 онд

  1. “Сарнай” дорож “Хэрэглэгчийн баталгаат бүтээгдэхүүн” гэрчилгээ
  2. “Атар” хивс “Шилдэг бүтээгдэхүүн” диплом

1999 онд

  1. “Согоот” дорож “Хэрэглэгчийн баталгаат бүтээгдэхүүн” гэрчилгээ

2000 онд

  1. “Эрдэнэт” 260-р зураг “Оны шилдэг чанартай бүтээгдэхүүн”
  2. “Найдвартай түнш” байгууллага гэрчилгээ

2001 онд

  1. “Эрдэнэт” 262-р зураг цом, хүндэт диплом
  2. “Чингис” 323-р зураг “Гран-При” шагнал
  3. “Номин” 305-р зураг “Оны шилдэг чанартай бүтээгдэхүүн”
  4. Дизайны оновчтой шийдлийг үйл ажиллагаандаа нэвтрүүлж олон нэр төрлийн бүтээгдэхүүн үйлдвэрлэн экспортыг нэмэгдүүлэх үйлсэд оруулж буй хувь нэмрийг үнэлж “Шилдэг 10 аж ахуйн нэгж” Болор цом, хүндэт диплом
  5. Оны шилдэг аж ахуйн нэгж байгууллага
  6. Хүүхдийн төлөө буянтай үйлстэн
  7. Тэргүүний нийгмийн даатгалын шимтгэл төлөгч байгууллага
  8. Спортыг ивээн тэтгэгч байгууллага

2002 онд

  1. “Чоно” 312-р зураг “Гран-При” шагнал
  2. “Чингис” 296-р зураг Хүрэл медаль
  3. “Таван салаан гарам” зураг Хөнгөн аж үйлдвэрийн “Шилдэг бүтээгдэхүүн” цом, гэрчилгээ
  4. “Чингис” 361, 239-р зургуудын хивсний цувралаар “Оны шилдэг бүтээгдэхүүн” цом, гэрчилгээ
  5. Дотоодын шилдэг хөрөнгө оруулалт
  6. “Өрсөлдөх чадвартай бүтээгдэхүүн” диплом
  7. “Сайн чанар, өрсөлдөх чадвартай бүтээгдэхүүн” диплом
  8. “Онцгой өрсөлдөх чадвартай бүтээгдэхүүн болон дизайн”-ы медаль, диплом

2003 онд

  1. “Шилдэг оновчтой маркетингтэй байгууллага” өргөмжлөл
  2. Чанарын удирдлагын тогтолцооны ISO-9001 стандартыг нэвтрүүлсэн байгууллага
  3. Чингис 298-р зураг “Шилдэг бүтээгдэхүүн” Алтан медаль
  4. Шилдэг экспортлогч аж ахуйн нэгж байгууллага
  5. Найдвартай татвар төлөгч байгууллага
  6. НББОУС-ыг бүрэн нэвтрүүлсэн аж ахуйн нэгж байгууллага гэрчилгээ
  7. “Ковровые покрытия” номинацийн диплом
  8. “Онцгой өрсөлдөх чадвартай бүтээгдэхүүн” медаль, диплом
  9. “Шамбал” хивс “Шилдэг бүтээгдэхүүн”

2004 онд

  1. 2003 оны шилдэг “Топ 10 аж ахуйн нэгж байгууллага
  2. 2003 оны 9 алдартны нэг “шилдэг үйлдвэрлэгч”
  3. Оны “Үндэсний шилдэг үйлдвэр”
  4. Шилдэг экспортлогч аж ахуйн нэгж байгууллага
  5. Тогтвортой үйл ажиллагаатай шилдэг аж ахуйн нэгж
  6. Найдвартай татвар төлөгч байгууллага
  7. Үндэсний бүтээмжийн 2003 оны шагналтан байгууллага
  8. Эрдэнэт түншлэл-2004 шилдэг бүтээгдэхүүн
  9. Гаалийн итгэл хүлээсэн аж ахуйн нэгж  “Ногоон гэрэл”-ээр үйлчлүүлэх эрхийн батламж
  10. Монгол Улсын Нийгмийн тогтвортой бизнес эрхлэгч 5 байгууллагын нэг

2005 онд

  1. “Аманда” хивс экспортын шилдэг бүтээгдэхүүн
  2. 2004 оны аймгийн оны шилдгийн шилдэг аж ахуйн нэгж байгууллага
  3. Орхон аймгийн оны шилдэг, чанартай бүтээгдэхүүн “Шилдэг экспортлогч”
  4. Монголын Улсын шилдэг 10 компанийн нэг гэх мэт олон шагнал авч байсан. Сүүлийн жилүүдийн шагналыг тоймчилбол:
  1. Interprener 2010, 2011, 2012 Merkuri ТОП-10 аж ахуй нэгж байгууллага
  2. Монгол Улсын ТОП-100, 150 аж ахуйн нэгж-сүүлийн 6 жил
  3. Монгол Улсын нийгмийн хариуцлагатай Манлай 20 компани
  4. Монгол Улсын 15 удаагийн Найдвартай татвар төлөгч
  5. Монгол Улсын Хөнгөн үйлдвэрийн шилдэг үйлдвэрлэгч
  6. Монголын Татварын Албаны дээд Шагнал “Хөх дэвтэр”
  7. Тэргүүний Татвар төлөгч  100 аж ахуйн нэгжийн нэг
  8. Монгол Улсын 5 удаагийн шилдэг экспортлогч компани
  9. Монгол Улсын нийгмийн даатгалын шилдэг шимтгэл төлөгч
  10. Монгол Улсын Засгийн Газрын “Шилдэг ажил олгогч” компани
  11. Монголын менежментийн холбооны “Шилдэг менежменттэй байгууллага
  12. Монголын маркетинг менежментийн хүрээлэнгээс " Топ хөнгөн үйлдвэр" номинацид 2-р байр эзэлж, Grand expo 2015 батламж авсан.
  13. Атилла брэнд-Үндэсний шилдэг чанарын батламж авав.
  14. Аж үйлдвэрийн салбарын тэргүүн дээд шагнал /Аж үйдвэрийн яам/
  15. Монгол Улсад анх удаа зохион байгуулж буй “ҮНДЭСНИЙ ЧАНАРЫН ШАГНАЛ”-ын шалгаруулалтанд “Эрдэнэт Хивс” ХХК-ийн “АТТИЛА БРЭНД” хивс нь Олон Улсын  болон Үндэсний Стандартын шаардлагыг хангасан  “ШИЛДЭГ БҮТЭЭГДЭХҮҮН”-ээр шалгарлаа.
Байгаль орчин, эрүүл мэндэд ээлтэй эсэх

“Байгаль орчныг хамгаалах” ажлын төлөвлөгөөг гаргаж орон нутгийн БОГ, МХГ-ын  удирдлага, мэргэжилтнээр хянуулж баталгаажуулан төлөвлөлтийн дагуу  ажлыг хэрэгжүүлэн ажиллаж байна.Үүнд:

I .Ус бохирдол

  1. Үйлдвэрлэлийн үйл ажиллагааны явцад байгаль орчинд үзүүлэх нөлөөлөл, түүний өөрчлөлт хэлбэлзлийг тогтоох, дүгнэлт гаргах болзошгүй ослоос сэргийлэх зорилгоор УЦУОШ-ний албатай “Байгаль орчны шинжилгээний ажлын гэрээ” байгуулж  хуваарийн дагуу  технологийн бохир усанд 12 үзүүлэлтээр 3 удаа, хөрсөнд 5 үзүүлэлтээр 1 удаа, агаарт 3 үзүүлэлтээр 2 удаа тус тус шинжилгээ хийлгэсэн бөгөөд шинжилгээний дүнгээр байгууллагын орчны хөрс, агаар, ус стандартын дагуу зөвшөөрөгдөх  агууламжинд байгаа нь тогтоогдсон.
  2. Шинэ ноос угаах шугамыг суурилуулснаар Ноос угаасан технологийн бохир усны урьдчилан тунгаалт хийгдэж, лаг /өтгөн/ хэсгийг шууд гадагш гарган тусгай зориулалтын машинаар ачилт хийх боломжтой болсон явдал нь цэвэрлэх байгууламжийн бохирдлыг эрс багасгаж, ачааллыг бууруулснаар байгаль орчинд ээлтэй технологи болж чадсан.
  3. Компанийн технологийн бохир усны цэвэрлэх байгууламжийн агаар үлээгчийг шинэчилж, гадна хэсэгт нь агаар тусгаарлагч сорох төхөөрөмж болон зайлуулагч  яндан суурилуулж битүү болгож  дээвэрлэн, бохир уснаас ялгарах үнэрийг багасгаж, орчны  бохир агаарыг цэвэршүүлсэн үр дүнтэй чухал ажил болсон.

 

Description: Description: DSCN1659

  1. Хөрсний бохирдол:
  1. Байгаль экологийн аюулгүй байдал, орчны эрүүл ахуйд хяналт тавих зорилгоор компанийн дотоод ажиллагаанд мөрдөх доорхи журмуудыг байнга шинэчлэн өөрчлөн боловсруулж мөрдөж байна. Үүнд:
  • “ Хог хаягдлыг цуглуулах, хадгалах, тээвэрлэх тэдгээрт тавигдах шаардлагыг зохицуулах”
  • “Үйлдвэр, хэлтсийн цех, тасгийн ариун цэвэр, эмх цэгцийг ханган ажиллах”
  1. Үйлдвэрийн орчин болон орон сууцны хорооллын талбайд 12227 мод, бут тарьж, 10895м2 талбайн мод бутыг хортон шавьжнаас хамгаалж, 3850м2 талбайг зүлэгжүүлсэн.

Description: Description: CIMG0439      Description: Description: CIMG0446

 

  1. Компанийн урд байрлах 4356,5 м2 талбайг зүлэгжүүлж,  253,8 м2 талбай, 235 м суваг, 115м2 мандалд цэцэг тарьж, 238 гаруй тасалгааны цэцгүүдийг тарьж ургуулсан.
  2. Орхон аймгийн Боловсрол соёлын газар, “Эрдэнэт үйлдвэр” ХХК- ийн эмэгтэйчүүдийн зөвлөлийн хамтран зохион байгуулсан “Цэцэгт ногоон байгууламж” –тай аж ахуйн байгууллага уралдаанд  оролцож II байранд шалгарч,  мөнгөн шагналаар шагнагдсан.
  3. Гадна талбай болон тасалгаанд цэцэг тарих технологи, арчилгааны талаар УБ хотын “Хайтан” клубын тэргүүнийг урьж сургалт зөвлөгөө авсан.
  4. Хотын оршин суугчид болон үйлдвэрийн ажилтнуудын ая тухтай  аялан зугаалах, чөлөөт цагийг  зөв боловсон өнгөрүүлэх  таатай  орчин бий болгох “Цэцэрлэгт хүрээлэн” байгуулах талбайд шав тавих үйл ажиллагаа зохион байгуулж Агч мод , Монос, өрөл, тэхийн шээг зэрэг  нэрийн мод  тарьсан.
  5. Ажлын байрны  эрүүл ахуйг сайжруулах, тоосжилтыг багасгах зорилгоор цех, хэлтэс тасгийг цэцэгжүүлэх  хөдөлгөөнийг өрнүүлж, 100 гаруй цэцэг, ногоон ургамал тарьж ургуулсан.

 

    Description: Description: DSC_0523    Description: Description: CIMG0637

  1. 460м урт үерийн усны сувагт  чулуу, хог, шороогоор дүүрсэн байсныг цэвэрлэж  шороог зөөж зайлуулах, сэргээн засварлахад  8,9 сая. төг зарцуулсан.
  2. Үйлдвэрийн орчны  49.5 м2  зам, ухагдсан газрыг тэгшилж зассан. Мөн үйлдвэрийн барилгын баруун болон  урд талын үерийн 1102м сувгийн хуримтлагдсан шороог гаргаж цэвэрлэсэн.

 

   Description: Description: CIMG0581       Description: Description: CIMG0588

  1. Компанийн барилгаас  50.0 метр орчмын талбайн  хог, зэрлэг ургамлыг түүж цэвэрлэн зайлуулахад 1.9 сая төгрөг зарцуулсан ба  компанийн эргэн тойронд 100.0 метр хашааг шинээр барьж засварласан.                      
  2. “Цэвэр, орчин, аюулгүй ажиллагааг бүрдүүлж эрүүл мэндээ хамгаалцгаая” сэдэвт “AСТ” зохион байгуулж уралдааны биелэлтийг сар бүр дүгнэж ажилласнаар  ажиллагсдын идэвхи  санаачлага, эмх цэгц, ажилдаа хандах хандлага  сайжирч ХАБЭА-н дүрэм, журмын талаархи мэдлэг сайжирсан.
Бүтээн байгуулалт, дэд бүтэц
Компанийн нийгмийн хариуцлага

        Бид үндэсний шилдэг компанийн хувьд нийгмийн хариуцлагаа бүрэн ухамсарлаж, улсын төсөвт төлөх татвараа цаг хугацаанд нь бүрэн төлж  ажлын байрыг нэмэгдүүлэх, дээд зэргийн чанартай бүтээгдэхүүн үйлдвэрлэх, байгаль орчинд ээлтэй үйлдвэрлэл явуулах, ажилтнуудаа амьдралын баталгаагаар хангах, тэдний мэдлэг боловсролыг дээшлүүлэх нийгэм олон нийтийн ажилд хамруулах, ажиллах орчин нөхцлийг сайжруулах, зэрэг олон ажлуудыг авч явуулсны үр дүнд 35 жилийн турш 1100 орчим байнгын ажлын байрыг тогтвортой байлгаж чадсан хамт олон юм.

      Байгууллага ажилтнуудын нийгэм ахуйн хөнгөлөлт тусламж дэмжлэгийн тал дээр байгуулагдсан цагаас анхаарч байсны тод жишээ нь 25 ортой хүүхдийн ясли, 140 ортой цэцэрлэг хориод айлын орон сууц барьж ажилтнуудын амралт, туслах аж ахуйг эрхэлж ажилтнуудын хэрэгцээг хангаж байснаар харагдаж байна. Сүүлийн жилүүдэд ажилтнуудад үзүүлэх нийгэм ахуйн хөнгөлөлт тусламж дэмжлэгийн асуудлыг тусгайлан  байгууллагын дотоод журам болон хамтын гэрээнд тусган хэрэгжүүлж байгаа ба Номин констракшны Өнөр хотхонд хөнгөлөлттэй нөхцлөөр зээлд хамруулж байгаа нь олон ажилтны талархлыг хүлээсэн ажил болон үргэлжилж байна.

        Мэргэжлийн боловсролыг дэмжих, компанийн мэргэжилтэй ажилтны тоог нэмэгдүүлэх зорилгоор Орхон аймгийн Мэргэжил сургалт үйлдвэрлэлийн төвтэй байнгын хамтын ажиллагаатай ажилладаг ба 2011 онд МСҮТ-ийн оюутнуудын дадлагын сургалтанд 60.0 сая төгрөгийн нэхэх, ээрэх үйлдвэрийн технологийн машин тоног төхөөрөмжийг суурилуулж өгснөөр Мянганы сорилын сан Монгол Улсын Засгийн Газраас Мэргэжлийн сургалтыг дэмжигч “Найдвартай түнш” байгууллагаар шалгаруулсан. 

Ирээдүйн зорилт

КОМПАНИЙН АЛСЫН ХАРАА

Дэлхийд өрсөлдөхүйц Монгол ухаан

Байгууллагын хаяг
Орхон аймаг Баян-Өндөр сум 13-р баг, Баянцагаан
Холбоо барих
Нэр Утас Цахим хуудас
Батцэцэг 99552000 Battsetseg.E@ntg.erdenet.biz
Ган төмөр хийц
412651: Ган төмөр хийц "Төмөр эдлэл, эд анги"

IMAG0380.jpgIMAG0381.jpgIMAG0382.jpg



ТАНАЙ КОМПАНИ БҮРТГҮҮЛЭЭГҮЙ БАЙНА УУ?

NЛҮҮ ИХ ЛАВЛАГАА АВАХЫН ТУЛД ӨӨРИЙН ХҮРЭЭГЭЭ ТАНИЛЦУУЛААРАЙ